من خلال الواقع المبهجوما يحدث حولنا هنا وهناك
إليكم
الوصفة اللولبية للحصول على جوازة سحرية
إلى
كل فتاة مصرية ومش مصرية
وإلى
كل شاب مصري جدع...وبرده مش مصري وجدع
والله انتوا صعبانين عليّة
أولا
يا بنتي ابدأي بتكوين نفسك وحوشي وحاولي تشوفي عقد عمل لأبوكِ في بلاد بره علشان يسافر 20سنة ويقدر يبني عمارة ويبقى عندك شقة
وانت يا بني اشتغل 3 شغلانات الصبح والضهر وبالليل علشان تقدر تدفع إيجار شقة(إيجار جديد) لأنك أصلا مش حا تقدر تدفع تمن شقة تمليك
ثانيا
مش مهم الفرح يبقى في نادي...الناس كده كده يا حبيبة مش حا يعجبهم البوفية وحا يطلعوا يشتموا في العريس والعروسة وسنينهم..خليها حاجه ساقعة أو البسوا كلكم باتيناج وفوتوا على محل عصير قصب ويبقى فرح تيك أواي
ثالثا
مفيش داعي تشتري فستان استلفي فستان زوزو بنت خالتك هو صحيح واسع عليكِ بس مش مهم أربطيه بحزان من ورا...أهي ساعة والسلام
رابعا
ليه تشتري بدله ب3000جنيه... خد بدلة محمد صاحبك
أيوه اللي استلفها الشارع كله...أهي لسه ماسكه نفسها عاوزة بس تتكوي وتنية البنطلون تتفك لأنك أطول منه
وأهي ساعة وتعدي
خامسا
الشبكة تبقى بالنص
هي مش أحسن منك يعني...انت كمان عريس زي الفل
أو تشتروها شهر كده ...وبعد ما الناس تتفرج وانتوا كمان تتفرجوا ....تبيعوها وتجيبوا العفش
سادسا
مفيش داعي للسفرة...أصلا مش حا تقدروا تعزموا حد...لزمتها إيه بقى وبعدين دي عاوزالها طقم صيني يترص وطقم كاسات علشان يبان في النيش ومفرش مشغول وفازة تتحط عليها...
واللي حا يفقع مرارتي الشمعدانين والساعة اللي ماليين شوارع اسكندرية ولازم كل العرسان يجيبوهم ويحطوهم
سابعا
ليه صالون!
مفيش ضيوف
أصلا حا يخافوا ييجوا لأنهم لازم يجيبوا حاجة معاهم...تورتاية أو علبة شوكولاته والحمد لله الناس مقاطعة الحاجات دي
وبعدين الصالون عاوز فازة كروازينية وبرواز سيرما ونجفة من درب البرابرة
بلاش يا ولاد
ثامنا
ليه تلاجة....ليــــــــــــــــه
مالها القلّة
وبعدين انتوا حا تحطوا أصلا إيه في الفريزر...؟
كيلو اللحمة بقى بكام؟
قاطعوها
وقاطعوا كل حاجة
والفراخ فيها أنفلونزا...والسمك ملوث....واللب مغشوش...واللانشون والجبن مضروبة
تاسعا
ليه سجاجيد؟
الدنيا حررررر
وبعدين لو الشقة سيراميك,,,,مش حا تحتاج لفرش
والله العظيم هم اللي بيقولوا كده في التلافزيون
وكمان بلاش شقة لأنك حا تضطر تدفع فواتير إيجار ونور ومية وغاز ووصلة الإنترنت ووصلة التليفزيون يا إما حماتك حا تخليك تشتري دش
صدقني بلاش
عاشرا
لية تخلفوا...العيال عاوزة مصاريف
ولادة ومستشفى وبامبرز وحضانة ومدرسة ولبس العيد...
وأكل تااااااني
وحا يزنوا بقى ويقولوا لك ودينا المصيف وهات شوكلاته وتفاح و موز ومانجه
وأخيرا
ليه تتجوزا
ما انتوا حلوين أهه وعندكم إنترنت وبتقروا كلامي....
بلاش أحسن
واستنوا لما حد يربح المليون
تصدقوا
المليون مش حا يكفوا يا ولاد
الله يكون في عونكم
أختكم اللي انتوا صعبانين عليها
أم البنين
ملحوظة
الموضوع ساخر علشان نضحك...بس بجد يا ريت كل عروسه وعريس وأهاليهم يراجعوا نفسهم في الطلبات والتجهيزات للجوازات والمحتاجات علشان الجواز أسهل لو في عقل
إليكم
الوصفة اللولبية للحصول على جوازة سحرية
إلى
كل فتاة مصرية ومش مصرية
وإلى
كل شاب مصري جدع...وبرده مش مصري وجدع
والله انتوا صعبانين عليّة
أولا
يا بنتي ابدأي بتكوين نفسك وحوشي وحاولي تشوفي عقد عمل لأبوكِ في بلاد بره علشان يسافر 20سنة ويقدر يبني عمارة ويبقى عندك شقة
وانت يا بني اشتغل 3 شغلانات الصبح والضهر وبالليل علشان تقدر تدفع إيجار شقة(إيجار جديد) لأنك أصلا مش حا تقدر تدفع تمن شقة تمليك
ثانيا
مش مهم الفرح يبقى في نادي...الناس كده كده يا حبيبة مش حا يعجبهم البوفية وحا يطلعوا يشتموا في العريس والعروسة وسنينهم..خليها حاجه ساقعة أو البسوا كلكم باتيناج وفوتوا على محل عصير قصب ويبقى فرح تيك أواي
ثالثا
مفيش داعي تشتري فستان استلفي فستان زوزو بنت خالتك هو صحيح واسع عليكِ بس مش مهم أربطيه بحزان من ورا...أهي ساعة والسلام
رابعا
ليه تشتري بدله ب3000جنيه... خد بدلة محمد صاحبك
أيوه اللي استلفها الشارع كله...أهي لسه ماسكه نفسها عاوزة بس تتكوي وتنية البنطلون تتفك لأنك أطول منه
وأهي ساعة وتعدي
خامسا
الشبكة تبقى بالنص
هي مش أحسن منك يعني...انت كمان عريس زي الفل
أو تشتروها شهر كده ...وبعد ما الناس تتفرج وانتوا كمان تتفرجوا ....تبيعوها وتجيبوا العفش
سادسا
مفيش داعي للسفرة...أصلا مش حا تقدروا تعزموا حد...لزمتها إيه بقى وبعدين دي عاوزالها طقم صيني يترص وطقم كاسات علشان يبان في النيش ومفرش مشغول وفازة تتحط عليها...
واللي حا يفقع مرارتي الشمعدانين والساعة اللي ماليين شوارع اسكندرية ولازم كل العرسان يجيبوهم ويحطوهم
سابعا
ليه صالون!
مفيش ضيوف
أصلا حا يخافوا ييجوا لأنهم لازم يجيبوا حاجة معاهم...تورتاية أو علبة شوكولاته والحمد لله الناس مقاطعة الحاجات دي
وبعدين الصالون عاوز فازة كروازينية وبرواز سيرما ونجفة من درب البرابرة
بلاش يا ولاد
ثامنا
ليه تلاجة....ليــــــــــــــــه
مالها القلّة
وبعدين انتوا حا تحطوا أصلا إيه في الفريزر...؟
كيلو اللحمة بقى بكام؟
قاطعوها
وقاطعوا كل حاجة
والفراخ فيها أنفلونزا...والسمك ملوث....واللب مغشوش...واللانشون والجبن مضروبة
تاسعا
ليه سجاجيد؟
الدنيا حررررر
وبعدين لو الشقة سيراميك,,,,مش حا تحتاج لفرش
والله العظيم هم اللي بيقولوا كده في التلافزيون
وكمان بلاش شقة لأنك حا تضطر تدفع فواتير إيجار ونور ومية وغاز ووصلة الإنترنت ووصلة التليفزيون يا إما حماتك حا تخليك تشتري دش
صدقني بلاش
عاشرا
لية تخلفوا...العيال عاوزة مصاريف
ولادة ومستشفى وبامبرز وحضانة ومدرسة ولبس العيد...
وأكل تااااااني
وحا يزنوا بقى ويقولوا لك ودينا المصيف وهات شوكلاته وتفاح و موز ومانجه
وأخيرا
ليه تتجوزا
ما انتوا حلوين أهه وعندكم إنترنت وبتقروا كلامي....
بلاش أحسن
واستنوا لما حد يربح المليون
تصدقوا
المليون مش حا يكفوا يا ولاد
الله يكون في عونكم
أختكم اللي انتوا صعبانين عليها
أم البنين
ملحوظة
الموضوع ساخر علشان نضحك...بس بجد يا ريت كل عروسه وعريس وأهاليهم يراجعوا نفسهم في الطلبات والتجهيزات للجوازات والمحتاجات علشان الجواز أسهل لو في عقل
16 comments:
اكتبي ملحوظة في البوست يا حنون:يرجى عمل العكس في كل ما قلت حتى نفوز برضى الرحمن ....جزاكي الله خيرا يا فتاتي
أنا مش هاعلق إلا لما اتأكد انك شايفه اسمى اصل البوست اللى فات رديتى على الكل ومرديتيش على
فهو الاول اتأكد انك شايفانى..علشان مينفعش ابعت لنفسى الكلام
وشكلى يبقى وحش وانا محدش بيرد على ويعبرنى
واذا اتأكدت انك شايفنى اجى ااقولك رأى فى البوست
منورة ياست الكل
والله العظيم وصلت للنتيجة من قبل ما اوصل لغاية نهاية الموضوع
وهو بلاش تتزوجوا اصلاً
اههههههههههههههههه
بس يا اختنا الفاضلة
انا اعارف ان ردودك مقتضبة وهذا نابع من منطلق ديني وانا احترام هذا الامر بل وادعوا اخوتنا النساء والبنات الى هذه الاسلوب الجميل المحترم
ولكن اقسم بالله انا ابحث عن زوجة محترمة تخاف الله وتكون من اسرة محافظة شكلاً وموضوعاً ولن اكلفها مليم واحد وكل ما سوف تطلبة على قدر المستطاع ان شاء الله سوف يكون موجود
مع ذلك لم اجدها الى الان .. وكل فتاة تقدمت اليها تكون حجتها انا عايزة اشتغل انا عايزة احس بنفسي وتبدأ بالتسلط واملاء الشروط والتوجيهات التي من المفروض ان لا تناقش فيها بل تعمل على تنفيزها بدون اي رد فعل لا ايجابي ولا سلبي
ومازلت ابحث عن الفتاة الى الان فان كان عندك يا احتنا الفاضلة انسانة محترمة من بيت محترمة محافظ شكلاً وموضوعاً يا ريت تدليني عليها ان شاب مصري مقيم في دولة الكويت من اكثر من 5 سنوات اعمل دوامين صباحي ومسائي الصباحي في احد الهيئات الحكومية بدولة الكويت والثاني في جمعية نفع عام والمردود المالي محترم والحمد لله ولدي شقة في الاسكندرية في احد المناطق السكنية الجديدة واهلي من محافظة اسيوط ويعيشون الان في الاسكندرية سني 32 سنة مؤهلي متوسط
فعلا الله يكون في العون
اصحى يا نايم ووحد الدايم
أرجوا من المدونين الموقرين
أن يضعوا شعار الحملة واسمها فقط فوقها
(حملة الجسد الواحد)
في الشريط الجانبي لمدوناتهم كدلالة على وحدة صف أمة محمد
http://dndanh111.blogspot.com/2010/06/blog-post_14.html
ومن أجل قيام الولايات المتحدة الإسلامية
http://dndanh111.blogspot.com/2010/06/blog-post_17.html
ومن أجل دعم ثورة أهل مكة - ثورة الآخرة
http://dndanh111.blogspot.com/2010/07/blog-post_14.html
جعله الله في ميزان حسناتكم .. آمين
انا بقي مش مع التسهيل لفئه معينه من الشباب بقي غالب عليها الاستهتار وعدم تحمل المسؤوليه
لان اللي بيجي بالساهل بيروح بالساهل
والشاب اللي هيلاقي اهل البنت متساهلين هيقول عليها حاجه من اتنين لخيفين علي بنتهم تعنس اومصدقوا يخلصوا منها
وطبعا لما كل حاجه تيجي بالتساهل هتلاقي الشاب من دول سهل عليه يضيع بيته بكلمة واحده ويهد اسره متعبش وعرق لما طفح الكوته علشان يعملها
صدقيني انا من الناس اللي تساهلت وسبته هو يختار كل حاجه حسب مقدرته حتي الشبكه والمؤخر ولاني كنت صغيره فمقلش عليا خايفه اعنس يمكن يكون قال دول مصدقوا
وفي الاخر بعد مخلفت عيل واتنين وتلاته في تلات سنين
البيه كل شويه يطلقني لحد مفقدت الاحساس بالامان
طبعا مهو متعبش في حاجه لان والده جابله الشقه جاهزه وعمل جمعيات جاب بيها كل حاجه
لكن لو كان عرق صح في كل قرش مكنش هد البيت بكلمه بيقولها عمال علي بطال
وحسبي الله ونعم الوكيل
والله يا أم البنات حصل بدون قصد والله
مش عارفه ليه
أقسم بالله لم أقصد
سامحيني
ساعات بأكتب وابني بيتنطط حولي...فبأتحول
لسه برده في منتدى هريدي حصل معي نفس الموقف بس البنات هناك ما زعلوش لانهم عارفيني
انت غاليه وأنا أحبك في الله
المقال ساخر يا ماما نور...وأنا كتبت في الآخر ملحوظة
جزانا وإياكم يا فتاتي
كيف هي أحوال ظهرك وعظامك
أخي الكريم فارس
أسأل الله أن يرزقك زوجة صالحة تقية تقر بها عينك في الدارين
أطلب من أهلك وأقاربك ووالدتك وخالاتك أن يبحثن لك عن عروس يعرفونها من بلدك
وبإذن الله ييسر لك الله
استعن بالله وأخلص نيتك وبإذن الله ربنا يرزقك
أم الخلود
جزاك الله خيرا على الإعلان
طيب شاركينا برأيك
أختي الكريمة(.....)
أسأل الله أن يفرج همك ويفك كربك ويصلح بينك وبين زوجك
الحياة هكذا أمواج يا أختي
لابد أن نسبح لنعيش فيها وإلا غرقنا في بحر المشاكل
أبشري بخير بإذن الله
اتجهي لله وأصلحي حالك مع الله وستجدين أثر هذا في حياتك كلها
حنان
لو زعلانه مكنتش كتبت لك
انا مش زعلانه..ولو تاخدى بالك انى بهرج
عارفه وبيحصل كتيير ننسى نرد دون قصد
انا بس قلت اكح واقولك انا اهه
لا عليك يا حبيبتى
سلامتك من الحول والله كلنا بيحصل لنا كده
انا بس كتبت زى ما قلت لك ونفس الوقت علشان يعنى الناس تعرف انها مش مقصوده ووارد يحصل لأى حد
مش زعلااااااااااااااااانه نهائى
منورة ياست الكل وربنا يخليهم حواليك يتنططوا ويملوا حياتك
ربى يحفظهم لك
تحية لكل هؤلاء النساء المؤمنات
فاليذيد الله من أمثالكم
تحيااااااتى للجميع
الاخت الفاضلة /
سلام عليكم انا ادخل كل يوم تقريباً المدونة ولا اجد جديد مع الموضوعات ارجو ان يكون المانع خير .
نسأل الله العلي العظيم الذي تعالت عظمته وتقدست اسماءه .
العفو والعافية لك في كل آجل وفي كل عاجل .
تقبلي كل احترام وتقدير ،،
فارس عبدالفتاح .. قومي عربي
انت فين يا حنونه وحشتينى يارب تكون امورك بخير
من اول ما شاهدت مدونه من نور عرفت حضرتك على طول صدقينى كتاباتك بتخلينى عايزه اتعرف عليكى شخصيا فعلا ضرورى تنزلى كتاب فيه ابداعاتك وانتى افضل كثير من اللى كتب اللى باشوفها وباقراها تقبى خالص تحياتى واعجابى
ست البيت - سماح على الفيس بوك
جزاكم الله جميعا كا خير على السؤال
ها قد عدنا
Post a Comment